Atlee | ఈ ఏడాది షారుక్‌ ఖాన్‌ టైటిల్‌ రోల్‌లో నటించిన జవాన్‌తో ఇండస్ట్రీకి బ్లాక్‌ బస్టర్ హిట్టు అందించాడు అట్లీ (Atlee). తాజా ఇంటర్వ్యూలో రజినీకాంత్ (Rajinikanth)తో చేయబోయే సినిమా గురించి క్లారిటీ ఇచ్చాడు అట్లీ.
Atlee | ఇండియన్ ఫిలిం ఇండస్ట్రీలో ఉన్న టాలెంటెడ్‌ డైరెక్టర్లలో ఒకడు అట్లీ (Atlee). ఈ ఏడాది షారుక్‌ ఖాన్‌ టైటిల్‌ రోల్‌లో నటించిన జవాన్‌తో ఇండస్ట్రీకి బ్లాక్‌ బస్టర్ హిట్టు అందించాడు. ఇండియాలోనే వన్ ఆఫ్‌ ది లీడింగ్‌ స్టార్ డైరెక్టర్‌గా కొనసాగుతున్న అట్లీ నెక్ట్స్ సినిమాకు సంబంధించిన వార్తలు చక్కర్లు కొడుతున్నా.. అధికారికంగా మాత్రం ప్రకటించలేదు. తాజా ఇంటర్వ్యూలో రజినీకాంత్ (Rajinikanth)తో చేయబోయే సినిమా గురించి క్లారిటీ ఇచ్చాడు అట్లీ. తాను రజినీకాంత్‌కు వీరాభిమానినని.. తలైవా నటించిన దళపతి సినిమా చూసిన తర్వాతే ఫిలిం ఇండస్ట్రీకి వచ్చానని అన్నాడు.
తాను రజినీకాంత్ నటించిన రోబో సినిమాకు శంకర్‌ దగ్గర అసిస్టెంట్‌ డైరెక్టర్‌గా పనిచేశానని చెప్పాడు అట్లీ. తలైవాకు తాను రెండు, మూడు కథా చర్చలు జరిపానని, కొన్ని ఐడియాలు కూడా చెప్పానని అన్నాడు. కొన్ని అడ్డంకుల కారణంగా రజినీకాంత్‌కు సరిపోయే పర్‌ఫెక్ట్ స్క్రిప్ట్‌ సిద్దం కాలేదని, భాషా నుంచి మించిపోయేలా సినిమా ఉండాలని తాను అనుకుంటున్నానని చెప్పుకొచ్చాడు. ఆర్య, విజయ్‌ కెరీర్స్‌ను నా సినిమాలు తారా స్థాయికి తీసుకెళ్లాయి.
అలాంటి రేంజే రజినీ సార్‌కు కూడా ఉండాలనుకుంటున్నా. తలైవా నన్ను ముద్దుగా కన్నా (డియర్‌) అని పిలుస్తుంటారు. నా దర్శకత్వంలో నటించేందుకు ఆయన ఎప్పుడూ రెడీగానే ఉంటారని ధీమా వ్యక్తం చేశాడు అట్లీ. ప్రస్తుతం రజినీకాంత్ టీజే జ్ఞానవేళ్‌ రాజా దర్శకత్వంలో తలైవా 170లో నటిస్తుండగా.. షూటింగ్ దశలో ఉంది. దీంతోపాటు ఐశ్వర్య రజినీకాంత్ డైరెక్ట్ చేస్తున్న లాల్‌ సలామ్‌ 2024 జనవరి పొంగళ్‌ కానుకగా వస్తోంది. మరోవైపు లోకేశ్ కనగరాజ్‌ దర్శకత్వంలో తలైవా 171 కూడా చేస్తున్నాడు.
Atlee1
